O NOSO HORTO

 Estes días andivemos plantando: leitugas, cenorias, amorodos, tomates, pementos e cebolas.

E tamén probamos os dous primeiros amorodos que saíron das amorodeiras que plantaron os/as nosos/as compañeiros/as de 3º e 4º de E.P. 😋😋 

PROGRAMA CONVIVE-T

O pasado martes, Virginia e o extraterrestre Basilio ensináronnos a recoñecer e diferenciar as emocións, para que así poidamos entender o que nos pasa en cada ocasión e tamén poder expresar como nos sentimos nós mesmos e como se senten os/as nosos/as compañeiros/as.

 

SAÍDA AO RÍO SESÍN

CONTACONTOS CON SOLE FELLOZA

Grazas por convidarnos, Maribel!

DÍA DO LIBRO - Visita de Charo Pita

Con motivo da celebración do DÍA DO LIBRO recibimos no noso cole a Charo Pita, autora do conto que estas semanas estivemos traballando na aula. Ademais do conto de "Grazas" tamén  nos engaiolou con "Baby Pop" e "Polo Camiño", os cales nos narrou cantando coa súa marabillosa voz. Quedamos abraiados!

 Grazas Charo, por compartir a mañá con nós!

Lembrade visitar o BLOGUE DA BIBLIO

FELIZ DÍA DO LIBRO

BÚSQUEDA E RESCATE

Hoxe no cole coñecemos a Arnold, Thor e Anka, tres cans cos que traballa a unidade de rescate Cans de Salvamento de Galicia (CA.SA.GA). Antes de que nos demostraran todo o que son capaces de facer estes canciños recibimos unhas nocións básicas e uns consellos para coidar ben as nosas mascotas.

2 DE ABRIL - DÍA INTERNACIONAL DO LIBRO INFANTIL

Ler é liberdade. Ler é respirar.

Ler permite que vexas o noso mundo con ollos diferentes e convídate a habitar mundos que nunca vas querer deixar.

Ler permítelle ao teu espírito soñar.

Seica os libros son amigos para toda a vida, eu acredito niso.

A plenitude do teu universo só medra cando les.

As historias son ás que nos axudan a remontar o voo cada día, xa quelogo busca libros que lle falen ao teu espírito, ao teu corazón, á túa mente.

As historias son menciña. Curan. Reconfortan.

Inspiran. Ensinan.

Benditos sexan os narradores, e os lectores, e os oíntes. Benditos sexan os libros. Eles son a menciña para un mundo mellor, máis luminoso.

Mahsi cho. Moitas grazas.

RICHARD VAN CAMP, AUTOR

TRADUCIÓN: MERCEDES PACHECO 

No noso cole para conmemorar este día elaboramos unhas fermosas vidreiras para as bibliotecas. Aquí vos deixamos unha imaxe das nosas: O parruliño feo e Brancaneves.